2 مامۆستایێن ژن یێن زمانێ کوردی ل عەفرینێ ھاتن رەڤاندن

2 مامۆستایێن ژن یێن زمانێ کوردی ل عەفرینێ ھاتن رەڤاندن

ل عەفرینێ چەکدارێن ئۆپۆزیسیۆنا سووریێ یێن سەر ب ئارتێشا ترکیێ، 2 مامۆستایێن ژن یێن زمانێ کوردی رەڤاندن.

چالاکڤانێن عەفرینێ دیار کر، کۆما چەکدارا ب ناڤێ پۆلیسێن مەدەنی ھەر دو مامۆستا جیھان محەمەد عەلی قەرەحسۆ و ھێڤین ئەحمەد ژ گوندێ ئەتمانایێ ناڤچەیا راجۆ رەڤاندن.

ل گۆر چالاکڤانان، ئەو ھەر دو مامۆستا، ب تۆھمەتا کو د دەما رێڤەبەریا خوەسەر دا، مامۆستەیێن زمانێ کوردی بوون و ل قۆتابخانەیان وانەیێن کوردی ددان ھاتن رەڤاندن.

چالاکڤانان دان زانین، پشتی کو چەکداران 2 ھەزار لیرەیێن ترکی ژ مامۆستا جیھان محەمەد عەلی قەرەحسۆ ستاندین، ئەو بەردان، چارەنڤیسا مامۆستا ھێڤین ئەحمەد ژی نە دیارە.

چالاکڤانێن عەفرینێ ئاشکەرا دکەن، کۆمێن چەکداران ب ئارمانجا ستاندنا پارە، فیدیە و باجان ژ کوردێن عەفرینێ و ب ئارمانجا کو کورد ژ عەفرینێ کۆچبەر ببن، وان ھەموویان ب پێوەندیا ب رێڤەبەریا خوەسەر ڤە تۆھمەتبار دکەن.