سه‌رۆكێ ئامه‌ریكایێ، ل ده‌ربارێ كۆچبه‌رێن ل سه‌ر سینۆرێ بیلارووس و پۆله‌ندایێ ئاخڤی و گۆت كو ئامه‌ریكایێ دلگرانییا خوه ژ بیلارووس و رووسیایێ گهانییه.
جۆ بایدن سه‌رۆكێ ئامه‌ریكایێ، یه‌كه‌مین داخویانی ل ده‌ربارێ كۆچبه‌رێن ل سه‌ر سینۆرێ بیلارووس و پۆله‌ندایێ دا و گۆت:
«ئه‌ڤ گرفت جیێ دلگرانییا هه‌ری مه‌زنه، ئامه‌ریكایێ دلگرانییا خوه ژ بیلارووس و رووسایێ گهانییه».
ب هه‌زاران كۆچبه‌ر كو پرانی ژێ ژ باشوورێ كوردستانێ نه، ده‌ما چه‌ند رۆژانه ل سه‌ر سینۆرێ بیلارووس و پۆله‌ندایێ نه، پۆله‌ندا رازی نابه ئه‌ڤ كۆچبه‌ر د ئاخا وێ ره ده‌رباسی وه‌لاتێن رۆژئاڤا ئه‌ورۆپایێ ببن.
كۆچبه‌ر د ره‌وه‌شه‌كه هه‌ری خه‌راب ده نه و هه‌یا نها هه‌ری كێم 8 كۆچبه‌ران ژیانا خوه ژ ده‌ست داییه.
