ئیرۆ مەلا بەختیار ڤەدگەریته هەرێما کوردستانێ
مه‌لا به‌ختیار ئه‌ندامێن ئه‌نجوومه‌نا بلند یا سیاسی یا یه‌كێتییا نشتیمانییا كوردستانێ، ئیرۆ وێ ژ ئه‌لمانیا ڤه‌دگه‌ریته هه‌رێما باشوورێ كوردستانێ.
مەریوان عەلی بەرپرسێ ئۆفیسا راگه‌هاندنا مەلا بەختیار ژ رووداوێ را گۆت کو ئیرۆ مەلا بەختیار ژ نەخوەشخانەیێ ده‌ركه‌تییه و ژ بەرلینێ بەر ب سلێمانیێ ڤە ب رێ كه‌تییه و دەمژمێر 1 بالەفرا مەلا بەختیار دگه‌هیته سلێمانیێ.
پشتی کو پزیشکان پشکنینێن داویێ بۆ مەلا بەختیار ل ئه‌لمانیا چێکرین، رێ دانە وی کو ژ نەخوەشخانەیێ دەرکەڤیت و ڤەگەریته کوردستانێ و بریارە پشتی ڤەگەرا خوە، مەلا بەختیار کۆنفەرانسەکێ رۆژنامەڤانی ساز بكه‌ت.
مژارا ژەهرکرنا بەرپرسێن یه‌نه‌كێ پشتی بوویەرێن 8ێ تیرمەهێ، بوویە رۆژەڤ، تایبەت ژی پشتی کو هەڤسەرۆکێ یه‌نه‌كێ بافل تالەبانی گۆتی، بەلگەیێن وی هەنە کو هەڤسەرۆکێ دی یێ پارتیێ لاهور شێخ جەنگی ئەو ژەهری کرییە و گۆتبوو، ئەو دێ بەلگەیان ژی ئاشكه‌را بكه‌ن.
