ئۆجالان دخوازیت جەنازەیێ برایێ وی عۆسمان ئۆجالان بینن رحایێ

ئۆجالان دخوازیت جەنازەیێ برایێ وی عۆسمان ئۆجالان بینن رحایێ

برایێ عەبدوللا ئۆجالان، عۆسمان ئۆجالان ئیرۆ ژ بەر نەخوەشییا ڤیروسا کۆرۆنایێ ل نەخوەشخانەیا نەورۆزا ھەولێرێ کۆچا داوی کر.

دەستپێکێ ھاتیە راگھاندن کو دێ تەرمێ عۆسمان ئۆجالان ل ھەرێما کوردستانێ هێتە ڤەشارتن، لێ برایێ وی محەمەد ئۆجالان کو ل باژارێ رحایێ ل گوندێ خوە دمینیت راگھاند کو ئەو دخوازن جەنازەیێ عۆسمان ئۆجالان ڤەگەرینن باکورێ کوردستانێ و ل وێرێ ڤەشێرن، لێ دێ لگەل وان زارۆک و ھەڤژینا وی ژی بریارێ بدەن.

محەمەد ئۆجالان پشتی بەلاڤبوونا نووچەیا برایێ وی، داخوازا خوەیا ئانینا جەنازە ئانیە زمان و گۆتیە، ئەو دێ ب رێیا پارێزەران لگەل برایێ خوەیێ مەزن عەبدوللا ئۆجالان دا ژی راویژێ کەن و ل گۆری ڤێ یەکێ دێ نەخشەرێیەکێ ژ بۆ جەنازەیێ برایێ خوە دانن.

محەمەد ئۆجالان دیار کریە کو ئەو ب وەفاتا برایێ خوە گەلەک خەمگینن و گۆت، “زارۆک و ھەڤژینا وی دێ بریارێ دەن. ئەم دێ بریارەکێ دەین.”

ھەروھا محەمەد ئۆجالان ل سەر بەشداریا مەراسیما خاترخاستنا ژ برایێ خوە ژی گۆتیە، “مە هێژتا چ بریارێن ئێکلاکەر نەدانە. ئەم دێ ل گۆر رەوشێ بریارێ دەین.”

عۆسمان ئۆجالان برایێ رێبەرێ پەکەکێ عەبدوللا ئۆجالانە کو سالا 1958ێ ل گوندێ ئامارا یێ ناڤچەیا خەلفەتی یا رحایێ ژ دایک بوویە.

عۆسمان ئۆجالان دەمەکێ درێژ د ناڤا پەکەکێ دا مایە لێ سالا 2004ێ ژ پەکەکێ جودا بوویە و ل ھەرێما کوردستانێ بجھ بوویە.

عۆسمان ئۆجالان دو جاران زەوجی بوو و بابێ 4 زارۆکانە.

پوستێن ھەمان بەش