کۆمێن چەکدارێن گرێدایی ترکیێ ل عەفرینێ 120 دارێن زەیتوونان یێن وەلاتیەکێ کورد برین

کۆمێن چەکدارێن گرێدایی ترکیێ ل عەفرینێ 120 دارێن زەیتوونان یێن وەلاتیەکێ کورد برین

کۆمێن چەکدارێن گرێدایی ترکیێ، 120 دارێن زەیتوونان یێن وەلاتیەکێ کورد ل عەفرینێ برین.

ل گۆر چاڤکانیێن خوەجھی ژ عەفرینێ، کۆمێن چەکدارێن سەر ب ترکیێ ڤە، 120 دارێن زەیتوونان یێن وەلاتیەکێ کورد ل نێزیکی پرا نوو ل دەردۆرا باژارێ عەفرینێ برینە.

زانیاری ددەنە زانین، دارێن کو ھاتنە برین یێن کەسەکێ ب ناڤێ محەمەد عەلی حەبیب بوونە کو خەلکێ ناحیا بلبلێ یە.

ھەمان چاڤکانیان ئاشکەرە کر، کۆما دارێن وی وەلاتیێ کورد بری، چەکدارێن کۆما سقوور ئەل-شەمال بوونە و ب ئارمانجا شەوتاندن و فرۆتنا وان داران ل بازاری ئەو کار کرنە.

ھەرێما عەفرینێ یا رۆژئاڤایێ کوردستانێ، ژ بھارا سالا 2018ێ ڤە و د ئەنجاما ئۆپەراسیۆنەکا ب ناڤێ ئۆپەراسیۆنا چقلێ زەیتوونێ، ژ ئالیێ ترکیێ و کۆمێن چەکدارێن سەر ب وی وەلاتی ڤە ھاتیە داگیرکرن.