ئەرمەنستانێ راگه‌هاند کو د شەر و پەڤچوونێن ل گەل هێزێن ئازەربایجانێ ده، 15 لەشکەرێن وان هاتنە کوشتن و 12 لەشکەرێن دن ژی دیل هاتنە گرتن.
ئیرۆ، سێشەمێ، پارلەمانا ئەرمەنستانێ کوشتنا 15 لەشکەرێن خوه د شەر و پەڤچوونێن ب هێزێن ئازەربایجانێ رە ل سەر سینۆر راگهاند، ئه‌ڤ یێك ل ده‌مه‌كێ یه ترسا نووبوونا شەر و پەڤچوونێن کو سالا بۆری د ناڤبەرا هەر دو وەلاتێن هەڤرک دە دەرکەتبوو، هه‌یه.
وەزارەتا پاراستنێ یا ئەرمەنستانێ ئەشکەرە کر کو هێزێن ئازەربایجانێ 12 لەشکەرێن ئەرمەنی دیل گرتنە.
وەزارەتا دەرڤە یا ئازەربایجانێ د داخویانیەکە جودا دە راگهاند کو ئەو ئەرمەنستان سووجدار دبینە کو ب قەستی ئالۆزیێن ل سەر سینۆرێن هەر دو وەلاتان زێدە کرییە.
وەزارەتا پاراستنێ یا ئەرمەنیستانێ د داخویانیا خوە یا بەرێ دە گۆتبوو کو “ئێریشا هێزێن ئازەربایجانێ ل سەر چەپەرێن هێزێن ئەرمەنستانێ بوو سەدەما کوشتی و بریندارێن ژ ئالیێ ئەرمەنی ڤە” و دیار کر کو ئەریڤانێ هەر وها دو جهێن لەشکەری ژ دەست دانە.
زێدەبوونا ئالۆزییا ڤێ داویێ ل سەر سینۆرێن د ناڤبەرا هەر دو وەلاتان دە، نێزیکی سالەکێ پشتی قۆناخا داوی یا شەرێ چەکداری د ناڤبەرا ئالیێن ئەرمەنی و ئازەربەیجانێ دە ل ناڤچەیا ناکۆک ل قەرەباخێ هات.
ئەڤ دەورا پەڤچوونێ ب دەستەسەرکرنا ئازەربایجانێ ل سەر بەشەکە بەرچاڤ ژ ئەردێن کو ب سالان د بن کۆنترۆلا “کۆمارا قەرەباخێ” یا نەناسکری دە و ژ ئالیێ ئەرمەنستانێ ڤە هاتبوو پشتگریکرن، ب داوی بوو و پشتی قۆناخا داوین یا شەر، هێزێن ئاشتیپارێزێن رووسی ل هەرێمێ هاتن بجهکرن.
