رۆژنامەڤان و پارلامەنتەرێ بەرێ یێ پارتیا کۆماریا گەل (جەهەپێ) موستافا بالبای ئیدیعا کر کو ھەگەر سەلاحەدین دەمیرتاش سۆزەکێ بدەتە دەستهلاتداریا ئاکەپێ ژ بۆ ھلبژارتنان دێ ژ گرتیگەھا ئەدرنەیێ هێتە بەردان.
بالبای گۆتیە، نھا تفاقا ئاکەپێ-مەھەپێ ژ بۆ ھلبژارتنێن سەرۆکاتیێ دەنگێن 50+1 نکاریت ب دەست بینیت و نیقاشەک ل سەر وێ مژارێ دایە دەستپێکرن کو ل گۆری راپرسیێن ئەنجام ددەن ژی هەڤپەیمانیا جومھور نکاریت د وێ رێژەیێ دا دەنگان دەست خوە ڤە بنیت.
بالبای گۆتیە، ئاکەپە نھا بازارەکێ لگەل ھەدەپێ دجەربینیت و ب سۆزا کو سەلاحەدین دەمیرتاش ببیتە نامزەدێ ھلبژارتنێن سەرۆکاتیێ و نەھێلیت دەنگێن ھەدەپێ ژ بۆ هەڤپەیمانیا مللەت یا CHP-IYI پارتیێ بچن، دێ دەملدەست ژ گرتیگەھێ هێتە بەردان، لێ نھا د ڤێ قۆناغێ دا ئەو پێک نایێت.
