چەکدارێن سەر ب ترکیێ ل عەفرینێ 2 کەسێن سڤیل رەڤاندن

چەکدارێن سەر ب ترکیێ ل عەفرینێ 2 کەسێن سڤیل رەڤاندن

چەکدارێن سەر ب ئارتێشا ترکیێ ڤە، بابەک و کورێ وی ل سەر رێبەندەکا باژارێ عەفرینێ رەڤاندن و چارەنڤیسا وان نە دیارە.

رێخستنا مافێن مرۆڤان ل عەفرینێ بەلاڤ کر، گرۆپا چەکدارا ب ناڤێ “پۆلیسا ئازاد” رۆژا 12ێ مژدارێ عەبدولرەحمان حەسەن و کورێ وی رۆدی رەڤاندن.

دیار کر ژی، عەبدولرەحمان حەسەن و کورێ وی رۆدی ژ گوندێ یالانقۆزێ یێ ناڤچەیا جندرێسێ نە و دەما دچوون نەخوەشخانەیەکا عەزازێ، ل رێبەندا قۆسا باژارێ عەفرینێ ھاتنە رەڤاندن.

دەستنیشان کر ژی، ئەو ھەر دو ب تۆمەتا کو وان پەیوەندی ب رێڤەبەریا خوەسەر ڤە ھەبوون ھاتنە رەڤاندن و ھەتا نھا چارەنڤیسا وان نە دیارە.

ژ دەما داگیرکرنا عەفرینێ ژ ئالیێ ئارتێشا ترکیێ و گرووپێن چەکدارێن سەر ب وێ ڤە، ب ھەزاران کوردێن عەفرینێ ھاتنە رەڤاندن و ھەتا نھا چارەنڤیسا ھەژمارەکا مەزن ژ وان نایێ زانین.