ل گۆری داخوویانیا وەزەرەتا ناڤخوەیا ترکیا، ئیرۆ ل سێرتێ (دھێ) ل دەڤرا دەشتا مشارێ، چیایێ رەش و دەردۆرا وێ ئۆپەراسیۆنەکا نوویا ھێزێن ئەولەھیا ترکیا ل ھمبەر پەکەکێ دەستپێ کریە. ئۆپەراسیۆن بناڤێ ئەرەن زڤستان -5 ھاتیە ل دارخستن.
د ڤێ دەربارێ دا وەزەرەتا ناڤخوە داخوویانیەک بەلاڤ کر و تێدا راگهاند: ئەرەن زڤستان-5 ب بەشداربوونا 700 لەشکەرێن سەر ب فەرمانداریا جەندرمە و گوندپارێزان دەستپێ کریە.
تێ زانن کو ل گەلەک دەڤەرێن باکورێ کوردستانێ ل دژێ پەکەکێ ئۆپەراسیۆنێن زڤستانێ دەستپێکرنە و دەڤەرێن ئۆپەراسیۆن لێ چێدبن ھاتن و جوون و دەرکەتنا دەرڤە ژ بۆ گوندیێن دەڤەرێ دهێتە سنۆردارکرن.
