رێخستنا په‌كه‌كێ د 24 ساعه‌تێن رابووری دا، 3 چه‌كدارێن دن ل باشوورێ كوردستانێ ژ ده‌ست دان و یه‌په‌گێ ژی كو بالێ په‌كه‌كێ یێ رۆژئاڤا وه‌لاته 6 چه‌كدارێن خوه ژ ده‌ست دانه.
ل گۆری ئاگاهیێن كو وه‌زاره‌تا به‌ره‌ڤانیێ یا تركیێ پارڤه‌كرنه، د ئێریشێن هه‌وایی یێن 24 ساعه‌تێن رابووری دا، 3 چه‌كدارێن په‌كه‌كێ ل باشوورێ كوردستانێ و 6 ژی ل رۆژئاڤا كوردستانێ هاتنه ئارمانج كرن.
باله‌فرێن جه‌نگێ یێن ده‌وله‌تا تركیێ ل رۆژا پێنجشه‌مبییا رابووری، لڤ و ته‌ڤگه‌رێن رێخستنا په‌كه‌كێ ل سنۆرێ گوندێ سپیندارێ كربوون ئارمانج، وه‌زاره‌تا به‌ره‌ڤانییا تركیێ ژی رۆژا ئینی گۆت كو وان 3 چه‌كدارێن په‌كه‌كێ ل وێرێ كوشتنه.
ل ده‌ربارێ ئێریشێن ل رۆژئاڤا كوردستانێ، وه‌زاره‌تێ چ ئاگاهی نه‌دانه و ته‌نێ ئه‌شكه‌ره كر كو ئه‌ڤ ئێریش ل ناڤچه‌یێن كانییا ئاشتیێ و چقلێ زه‌یتوونێ هاتنه ئه‌نجام دان، رێخستنا په‌كه‌كێ و یه‌په‌گێ چ ئاگاهی ل ده‌ربارا ئێریشان نه‌دانه.
