چەکدارێن ئۆپۆزسیۆنا سووریێ یێن ب ئارتێشا ترکیێ رە هەرێما عه‌فرینێ داگیر کرنە، 6 کالەمێر ژ گوندێ مەملا رەڤاندن.
هات راگهاندن كو گرووپا چەکدار یا ب ناڤێ محەمەد ئەل فاتح رۆژا 18ێ مژدارێ 6 کالەمێر ژ گوندێ مەملا یێ ل ناڤچەیا راجۆ رەڤاندن.
کەسێن كو هاتنە رەڤاندن ناڤێن وان وهانە: سامی حەنان، محەمەد کۆلیکۆ، نەجیب هالۆ، محەمەد حەسەن، نەشئەت کوردی و محەمەد حەکیم.
ژ مەها جۆتمەها بۆری ڤە، زێدەتر ژ 30 کەسان ژ گوندێ مەملا هاتنە رەڤاندن، پشتی کو چەکداران فدیه ژ مالباتێن وان ستاندین، ئەو هاتن ئازاد كرن.
ژ دەما داگیرکرنا عه‌فرینێ ژ ئالیێ ئارتێشا ترکیێ و گرووپێن چەکدارێن سەر ب وێ ڤه، ب هەزاران کوردێن عه‌فرینێ هاتنە رەڤاندن و هەتا نها چارەنڤیسا هەژمارەکا مەزن ژ وان نایێ زانین.
چالاکڤانێن عه‌فرینێ دبێژن، گرووپێن چەکداران ب ئارمانجا ستاندنا پەرە، فدیە و باجان ژ کوردێن عه‌فرینێ و ژ بۆ کو کورد کۆچبەر ببن، وان هەموویان ب پێوەندییا ب رێڤەبەرییا خوەسەر رە تۆمەتبار دکه‌ن و درەڤینن.
