شاندەکا مەسەدێ ب سەرۆکتیا ئیلھام ئەحمەد دێ سەرەدانا مۆسکۆیێ کەت

شاندەکا مەسەدێ ب سەرۆکتیا ئیلھام ئەحمەد دێ سەرەدانا مۆسکۆیێ کەت

ھات راگھاندن کو شاندەکا مەجلیسا سووریایا دەمۆکراتیک (مەسەدێ) یا ب سەرۆکاتیا ئیلھام ئەحمەد دێ چیتە رووسیایێ و لگەل وەزیرێ دەرڤەیێ رووسیایێ سەرگەی لاڤرۆڤ دا کۆم بیت.

ھاتیە زانین کو بابەتا سەرەکی یا ھەڤدیتنێن مەسەدێ ل مۆسکۆیێ ئێریشێن ترکیا و کۆمێن چەکدارێن ئالیگرێن وێ ل دژی ناڤچەیێن رۆژئاڤایێ کوردستانێ و دەڤەرێن دەستهەلاتا وێ یە و دێ داخواز ژ رووسیایێ هێت کرن رێگریێ ل وان گەف و ئێریشان بکەت.

ھەروھا خالەکا دی یا هەڤدیتنێ دێ ناڤبەینکاریا مۆسکۆیێ بیت د ناڤبەرا مەسەدێ و حکوومەتا شامێ دا، داکو ھەڤنێزیکرنەک پێک بهێت.

ئیلھام ئەحمەد چەند رۆژ بەرێ گۆتبوو، کو وان پێشنیارەکا رووسی دەربارێ دەرباسبوونا 3 ھەزار لەشکەرێن حکوومەتا سووریێ ژ بۆ ناڤ باژارێ کۆبانیێ رەد کریە و دهێتە چاڤەرێکرن، د ڤێ سەردانێ دا شاندا مەسەدێ، نەرینێن رووسیایێ دەربارێ وان مژاران دا ببھیزن.

ھێژایی گۆتنێ یە، ئەڤ سەرەدانە د دەمەکێ کو نوونەرێن ئامەریکی لگەل بەرپرسێن ھێزێن سووریەیا دەمۆکراتیک ھەسەدێ و رێڤەبەریا خوەسەر دا دجڤن و سۆزێن بەردەوامیا پشتەڤانیێ ژ بۆ ئارامیا دەڤەرێ ددەن پێک دهێت. ھەڤدەم چەند رۆژ بەرێ دەربارا مژارا سووریێ جڤینەک د ناڤبەرا رووسیا و ئامەریکایێ دا، ھاتبوو لدارخستن.

لاڤرۆڤ د کۆنفەرانسەکا رۆژنامەڤانی دا گۆتبوو، ئەو ئامادەنە مافێن کوردان د دەستوورا سووریێ دا بجھ بکەن و دڤێت کورد ھەست بکەن کو ئەو بەشەک ژ سووریێ نە. ھەروھا لاڤرۆڤ ئامەریکا ب وێ یەکێ تۆھمەتبار کربوو کو ئەو پشتگریا جوداخوازیا کوردان ژ سووریێ دکەت.

پوستێن ھەمان بەش