فره‌نسا و پۆلۆنیا دێ جه‌زایان دانن سه‌ر بیلارووسێ

Fransa û Polonya

سەرۆکكۆمارێ فره‌نسا ئەممانوێل ماكرۆن و سەرۆکوەزیرێ پۆلۆنیا ماتیوسز مۆراویکی ل سەر توندکرنا جەزایێن ل دژی بیلارووسێ، ل هەمبەر کریزا کۆچبەران گۆتووبێژ کرن.

د هەڤپەیڤینەکێ دا د گه‌ل سەرۆکوەزیرێ پۆلۆنیایێ، ئیرۆ رۆژا چارشەمبێ 24/11/2021ێ، ل پاریسێ، سەرۆکێ فره‌نسا داخوازا بەردەوامکرنا فشاران ل سەر سەرۆکێ بیلارووسی ئالیخاندەر لوکاشەنکۆ دوپات کر.

یەکیتیا ئەورۆپی بیلارووسێ ب وێ یەکێ تۆمەتبار دکەت کو ل پشت کریزا کۆچبەرانە، و زۆریێ ل وان دکەت کو ب رێكێن نەقانوونی دەرباسی پۆلۆنیایێ ببن، و پشترە دەرباسی یەکیتیا ئەورۆپی ببن.