پارتیا ئازادیا کوردستانێ (پاک) دەربارێ بێرێزی و دەستدرێژیا ل سەر ئالایێ کوردستانێ داخویانیەک بەلاڤ کر و تێدا دا زانین ئەو بێرێزیا ل بەرامبەر ئالایێ کوردستانێ ھاتیە کرن روورەش دکەین.
داخویانیا پاکێ وەھایە:
ل باژارێ سولەیمانییێ یێ باشوورێ کوردستانێ، ھندەک خوەندەڤانێن زانینگەهێ ژ بۆ بجیھ ئانینا ھندەک داخوازێن خوەیێن رەوا و مەشرووع خوەپێشاندان ل دار خستن.
لێ بەلێ د دەما خوەپێشاندانێن خوەندەڤانان دا ھندەک کەسێن قرێژ، ب ناڤێ خوەپێشاندانێ، بێرێزییەکا مەزن ل ئالایێ کوردستانێ کریە. ھندەک کەسێن بێ عەسل، روورەش، ئالایێ کوردستانێ دانایە بن پییان، پێ ل سەر دانایە و خواستیە گەل ب ترۆمبێلا و ب پیان ل سەر بمەشن، بهێن و بچن.
ئەم ل گەل وێ نە کو، حکوومەتا ھەرێما کوردستانێ پێویستی و داخوازێن خوەندەڤانانێن پەروەردەیێ، ئینسانی، پێویست و مەشرووع بجیھ بینیت. ئەڤە ھەروەھا وازیفەیەکا حکوومەتا ھەرێما کوردستانێ یە ژی. لێ بەلێ ب چ ئاوایی نایێ قەبوول کرن کو خوەندەڤان د خوەپێشاندانێن مەشرووع دا شیدەتێ، تووند و تووژییێ بکار بینن.و ب چ ئاوایی نایێ قەبوول کرن کو ھندەک کەس رابن داخوازێن خوەندەڤانا سووئیستیفادە بکەن و بێریزییێ ل ئالایێ کوردستانێ بکەن.
ئالایێ کوردستانێ نرخەکێ ھەری مەزن یێ نەتەوەیی، نشتمانی یێ ھەموو کورد و کوردستانییێن جیھانێ یە.
دادگەھێن سولەیمانییێ دڤێت د حەقێ وان روورەشێن کو سڤکاتی و بێرێزی ل ئالایێ کوردستانێ کری دەملدەست لێپرسینێ دەستپێ بکەن و دۆزێ ڤەکەن و دڤێت ھەموو کورد و کوردستانییێن جیھانێ ڤان بێ عەسل و روورەشێن کو ئەڤ کریارا ئەنجامدای روورەش بکەن.
ئەم وەک پاک(پارتییا ئازادییا کوردستانێ) وان کەسێن کو سڤکاتی و بێرێزی ل ئالایێ کوردستانێ کری روورەش و پرۆتەستۆ دکەین.
24/11/2021
نڤیسینگەها چاپەمەنی و راگەھاندنێ
