چاڤکانیێن پێگەها دارکا مازی ل باشوورێ کوردستانێ راگهاند، بەرپرسەکی سەربازی یێ ئێکەتیێ ل رانیا راستی ئێریشەکا چەکداری هاتیە و پشتی برییە نەخوەشخانەیێ جانێ خوە ژ دەست دایە.
بەرپرسێ کو ئیرۆ هاتیە کوشتن کەسەکێ نێزیکی لاهۆر جەنگی هەڤسەرۆکێ ژ کار لاداییی یێ یەنەکێ یە ب ناڤێ عەقید موراد کانی کوردەیی.
چاڤکانیێن پێگەها دارکا مازی هەر وەها ئاشکەرا کر، ئیرۆ دانێ ئێڤاری دو جەنازە کو ب گولـلەیان هاتبوون کوشتن ژ بۆی نەخوەشخانەیێ هاتنە ڤەگوهاستن. هەروەها هات هین بوون کو دو ژ پاسەوانێن وی ژی ب برینداری هاتنە ڤەگوهاستن ژ بۆی نەخوەشخانەیا رانیایێ.
تەڤی ڤێ یەکێ هندەک چاڤکانیێن دی دبێژن کو هەیا نها ئەڤ بەرپرسێ یەنەکێ یێ نێزیکی لاهۆر جەنگی بۆرهان د ژیانێ دا مایە لێ بەلێ ب گرانی بریندار بوویە.
