ل عەفرینێ چەتەیێن ترکیێ د کریار و بنپێکرنێن خوە دا بەردەوامن

ل عەفرینێ چەتەیێن ترکیێ د کریار و بنپێکرنێن خوە دا بەردەوامن

گرووپێن چەکدار د بنپێکرن و کریارێن خوە یێن نە مرۆڤی دەرحەق مافێ وەلاتیێن کورد ل ھەرێما عەفرینێ بەردەوامن، ھەری داوی برینا ب دەھان دارێن زەیتوون و ھناران بوو .

رێخستنا مافێن مرۆڤان ل عەفرینێ راگھاند کو ل گوندێ ئکبسیێ ب سەر ناڤچەیا شران ڤە، گرووپا سولتان موراد 100 دارێن زەیتوونان یێن سێ مالباتێن کورد برین، ھەروەھا گرووپا چەکدار یا بناڤێ ئەحرار ئەلشەرقی یا ل گوندێ ئەستیر 40 دارێن ھناران برینە.

ل ئالیەکی دن ژی، بەریا دو رۆژان گرووپا ئەل ئەمشات چوونە سەر کۆنێ تازییا مالباتەکا کورد ل ناڤچەیا شیێ و سڤکاتی و گوتنێن دوور ژی رەوەشتێ ئاراستەیی کەسووکارێن و خوەدیێن تازییێ کرن و 5 کەس دەستەسەرکرن .

وەکە ژێدەرێن مەدیایی دایە زانین کو ئەو ھەر پێنج کەس ژ ئالیێ وان چەکداران ڤە راستی لێدانێ ھاتنە، و پشترا 2 کەس ھاتن سەربەستبەردان، لێ ھەرسی کەسێن دی هێژان دەستەسەرکرینە و چارەنڤیسا وان نەدیارە.

پوستێن ھەمان بەش