چەکدارێن په‌یه‌دێ ژ ناڤچەیێن جودا یێن رۆژئاڤا کوردستانێ، 10 زارۆکێن تەمەن بچووک ب ئارمانجا لەشکەرکرنا وان یا ب دارێ زۆرێ رەڤاندن و چارەنڤیسا نەدیارە.
ل گۆری ئاگاهیێن كو «پێگه‌ها ئاركێ» به‌لاڤ كرینه، زارۆکێن کو ژ ئالیێ چەکدارێن په‌یه‌دێ ڤە هاتینه رەڤاندن، تەمەنێ وان ژ 16 سالیێ كێمتره، خولێن مه‌شق و راهێنانێ بۆ وان هاتنه هاتنه چێكرن دا کو پشترە بەشداری شەری بهێنه كرن.
ناڤێن كه‌سێن ره‌ڤاندی ئەڤه‌نه:
1- عیسام محەمەد عیسا – 13 سالی/ ژ گوندێ قەتمێ یێ ناڤچەیا شه‌رایێ، ل عەفرینێ، ئه‌و ژ تاخێ شێخ مەقسوود یێ حەلەبێ هاتییه رەڤاندن.
2- خەتتاب عوبەید حەسەن – 15 سالی/ ژ تاخێ هلالیێ یێ باژارێ قامشلۆ، ل رۆژا چارشەمبا بووری 24/11/2021ێ هاتییه رەڤاندن.
3- ئەڤین جەلال خەلیل – 15 سالی/ ل رۆژا یەکشەمبێ 21/11/2021ێ ل باژارێ عاموودێ هاتییه رەڤاندن و رەوشا وێ یا تەندروستی نە ئارامە.
4- ئایانا ئدریس ئیبراهیم – 16 سالی/، ل باژارێ عاموودێ هاتییه ره‌ڤاندن.
5- هه‌دیه عەبدولرەحیم عه‌نته‌ر – 15 سالی/ ل باژارێ عاموودێ هاتییه ره‌ڤاندن.
6- عەبیر جاسترۆ عەبدولعەزیز – ژ گوندێ پلیسێ یێ دێرکێ یە، ل 2/11/2021ێ ل باژارێ قامشلۆ هاتییه رەڤاندن.
7- سیدرا خەلیل ئیبراهیم – خەلکێ گوندێ ئەبوودان یێ ناڤچه‌یا بلبلێ یه، ل 6/11/2021ێ ل تاخێ شێخ مەقسوود هاتییه رەڤاندن.
8- محەمەد عه‌بدۆ بۆزۆ – ژ گوندێ کەفەردەلێ یێ ناڤچەیا جندرێسێ یه، ژ كه‌مپێن شەهبایێ ل گوندەوارێ حەلەبێ هاتییە رەڤاندن.
9- عەبدولرەحمان ئەحمەد بەڕۆ ل تاخا ئەشرەفیێ یا حەلەبێ هاتییە رەڤاندن.
10- سیلڤا نیدال عیسا – جارا دوێ یه دهێته ره‌ڤاندن، پشتی كو مامێ وێ عه‌بدو عیسا گه‌ف ل چه‌كدارێن په‌یه‌دێ كری، ئه‌و ژی هاتییه ره‌ڤاندن و چاره‌نڤیسا وان نه‌دیاره.
ئەنجوومەنا نشتمانی یا کوردی ل سووریێ ل 24/11/2021ێ داخویانییەک بۆ رایا گشتی ل دەربارێ بەردەوامییا له‌شكه‌ركرنا زارۆکان ژ ئالیێ رێخستنا «جوانێن شۆره‌شگه‌ر» یا گرێدای په‌كه‌كێ به‌لاڤ كر و تێدا هێزێن سووریا دەمۆكراتیک ب هاریكارا ڤێ رەڤاندنێ بەرپرسیار كر.
ئه‌نه‌كه‌سێ بانگ ل نەتەوه‌یێن یەکگرتی و رێخستنێن مافێن مرۆڤان و مافێن زارۆكان و هێزێن هەڤپەیمانییا ناڤدەولەتی کر کو ب ئەرکێن خوە رابن و فشارێ ل سەر «هه‌سه‌دێ» بکه‌ن دا کو ب دەهان زارۆکێن بچووکێن رەڤاندی ڤەگەرینن.
