پاک: ئەم ئێریشا داعش و پشتەڤانێن وێ شەرمەزار دکەین

پاک: ئەم ئێریشا داعش و پشتەڤانێن وێ شەرمەزار دکەین

پارتیا ئازادیا کوردستانێ (پاک) ئێرشا دوھی ب شەڤ ل دەڤەرا باژارۆکێ کولەجۆیێ یا گەرمیانێ ل دژی ھێزێن پێشمەرگە شەرمەزار کر.

چەکدارێن داعشێ شەڤا دەرباسبوویی ل دەڤەرا تەپی تەلانا سەر ب باژارۆکێ کولەجۆیێ سلێمانیێ ڤە، ژ دو ئالیان ئێرشی ھێزێن پێشمەرگە کر و د ئەنجامێ دا 5 پێشمەرگە شەھید بوون و 4 پێشمەرگە ژی بریندار بوون.

پاکێ ئەو ئێرش و پشتگرێن وێ شەرمەزار کرن و ئاماژە ب وێ یەکێ کر کو دڤێت ھێزێن پێشمەرگە ڤەگەرن تەڤاھیا ھەرێمێن کوردیستانی یێن دەرڤەی ئیدارەیا ھەرێما کوردستانێ دا کو ئەولەھیا ھەرێمێ بپارێزن.

پاک دبێژیت: “ئەم بانگی نەتەوەیێن یەکبوویی و ھێزێن ھەڤپەیمانییێ دکەین، رێ بدەنێ دا کو ھێزێن پێشمەرگە بکاربن ئەولەکاریا ناڤچەیێن مادەیا 140ێ پێک بینن و دڤێت دەملدەست مادەیا 140 بهێتە جێبەجێکرن.”

پاکێ ھەروەھا ھەڤخەمیا خوە ژ بۆ مالباتێن پێشمەرگەیێن شەھید نیشان دا و گۆت: “روحێ پێشمەرگەیێن شەھید بووین شاد، جھێ وان بھەشت بیت. ئەم سەرساخیێ ژ مالباتا شەھیدان و ژ گەلێ کوردستانێ را دخوازین؛ شیفایا خێرێ ژ برینداران را دخوازین.