چەکدارێن پەکەکێ ل گوندەکێ باژارێ حەسەکێ یێ رۆژئاڤایێ کوردستانێ زارۆکەک رەڤاندن.
چالاکڤانێ سیاسی ل رۆژئاڤایێ کوردستانێ، نەورۆز بیجۆ ئەشکەرە کر، چەکدارێن پەکەکێ یێن خوە وەک “جوانێن شۆرەشگەر” ددەنە ناسین، دوھی ل گوندێ کەبکا یێ حەسەکێ زارۆکەکێ 13 سالی ب ناڤێ حەمید ئەحمەد نافز رەڤاندن.
وی چالاکڤانی ھەر وەھا گۆت، ھەتا نھا مالباتا وی نزانن کورێ وان ل کویە.
چەند رۆژ بەرێ ژی چەکدارێن پەکەکێ ل عاموودێ 3 کەچک رەڤاندبوون.
ئەڤ چەند رۆژن ل باژارێن عاموودێ و قامشلۆ مالباتێن رەڤاندیان خوەپێشاندانان دکەن و داخواز دکەن زارۆکێن وان بێنە بەردان.
