رێخستنا مافێن مرۆڤان ل رۆژئاڤایێ کوردستانێ رادگەهینیت، په‌كه‌كه ل لەشکەرگەهێن رژێما سووریێ و سپایێ پاسدارێن ئیرانێ دا زارۆکێن رەڤاندی پەروەردە دکەت.
په‌كه‌كه، ژ بۆ بەردەوام کرنا شەرێ خوە، بەردەوام ب رێیا رێخستنا «جوانێن شۆرەشگەر» زارۆکێن رۆژئاڤایێ کوردستانێ درەڤینە و پشتی پەروەردە کرنێ و وانەیێن ئیدۆلۆژیک یێن تایبەت ب وێ پارتیێ ڤە، وان دهنێریته قەندیل و ئەنیێن دن و شەری ب وان دكه‌ت.
رێخستنا مافێ مرۆڤان ل عەفرینێ ب داخویانیەکی راگەهاند: چەکدارێن سەر ب ئیدارەیا رێڤه‌به‌رییا په‌یه‌دێ ڤه کو باسکێ سیاسیێ په‌كه‌كێ یە ل رۆژئاڤایێ کوردستانێ، ب هەماهەنگییا ل گەل «جوانێن شۆرەشگەر» زارۆکێن کورد درەڤینن.
رێخستنا مافێ مرۆڤان ل عەفرینێ راگەهاند: په‌كه‌كه ل لەشکەرگەهێن رژێما سووریێ و سپایێ پاسدارێن ئیرانێ پەروەردە و وانەیێن ئیدۆلۆژیک و فکری دده‌ته وان زارۆکێن رەڤاندی و وان چه‌كدار دكه‌ت.
ل گۆر هەمان رێخستنێ، په‌كه‌كێ ته‌نێ د رۆژێن رابووری دا، 9 زارۆک ژ باژارێن قامشلۆ، عاموودێ و هەلەبێ رەڤاندنە.
رێخستنا مافێ مرۆڤان ل عەفرینێ داخواز ژ رێخستنێن مافێن مرۆڤان کر، هەماهەنگیێ د ناڤبەرا یەک دا بکه‌ن، ژ بۆ كو ئه‌ڤ تاوانێن په‌كه‌كێ بێن راگرتن و زارۆكێن ره‌ڤاندی بێن ڤه‌گه‌راندن.
