ئیراقێ 1894 کۆچبەر ژ بیلارووسیا ڤەگەراندنە

بەردەڤکێ وەزارەتا دەرڤەیا ئیراقێ ئەحمەد ئەل-سەحاف راگھاند، ھەتا نھا وان کاریە 1894 کۆچبەرێن ئاسێمایی ژ بیلاروسێ ڤەگەرینن.

ئەحمەد ئەل-سەحاف د کۆنفەرانسەکا رۆژنامەڤانی دا راگھاند، وان کاری ب ریا 5 گەشتێن ئاوارتە، 1894 کۆچبەرێن کو دخوازن ڤەگەرن، ڤەگەرینن ئیراقێ.

دیار کر ژی، وان ھەماھەنگیەکا باش لگەل ھەژمارەک ژ وەلاتێن جیران و وەلاتێن عەرەبی کریە ژ بۆ کۆنترۆلکرن و شۆپاندنا فرۆکەخانەیان و ژ بۆ رێگرتنا ل تۆرێن قاچاخچیتیێ.

ئەل-سەحاف بال کشاند، ھەماھەنگی ژ بەری مەھەکێ ڤە ھاتنە کرن ژ بۆ راوەستاندنا گەشتێن ئاسمانی یێن ئیراقی بۆ بیلاروسیا و ژ بۆ ڤەگەراندنا کۆچبەران بۆ وەلاتی.

ژ بۆ ڤەگەراندنا کۆچبەران ژ بیلاروسیا، حکوومەتا ھەرێما کوردستانێ و حکوومەتا ئیراقێ ھەماھەنگیێ دکەن و چەند گەشتێن ئاسمانی ب ریا فرۆکخانەیا ناڤدەولەتی یا ھەولێرێ ڤەگەریانە ھەرێما کوردستان.