ل باژارێن جۆلەمێرگ، بدلیس و مووشێ یێن باکورێ کوردستانێ ھشیاریا بەرف و باھۆزێ ھات دایین.
رێڤەبەریا سازیا کەشووھەوایێ یا ھەرێمێ دەربارێ ئەگەرا بەرف و باھۆزێ دا داخویانیەک بەلاڤ کر. ل گۆر داخویانیێ دهێت تەخمینکرن کو ژ دەمژمێرێن نیڤرۆ و پێ ڤە ل ھەموو پارێزگەھێن ھەرێمێ باھۆزەکا ب ھێزا 70 و 100 کیلۆمەترەیی چێببیت.
ل گۆر داخویانیێ، دەربارێ رەوشا ھەوایێ دا ژی دهێتە گۆتن کو ل گۆر شەرت و مەرجێن دەمسالێ گەرما د ناڤبەرا 6 و 10 پلەیان دا دێ زێدە بیت و دهێت تەخمینکرن گەرماھی ل جۆلەمێرگێ 17، ل وانێ 15، ل مووش و بەدلیسێ ژی 14 پلە بیت.
ژ بۆ بوویەرێن وەک ھلوەشینا بانێ ئاڤاھیان، ژەھریبوونا خازا سۆبەیێ، کەتنا دار و ستوونان ژی ھشیاری ھات دایین کو وەلاتی بالدار بن.
ل ستەنبۆل و ھەژمارەک پارێزگەھێن دی یێن ترکیێ ژی 29ێ مژدارا 2021ێ باھۆز رابوو و د ئەنجام دا 4 وەلاتیان جانێ خوە ژ دەست دان و 38 کەس ژی بریندار بوون و زەرارەکە زێدەیا مادی ژی چێبوو، ھەروھا ل 10 پارێزگەھان ژ بەر باھۆزێ دبستان بۆ رۆژەکێ ھاتن راوەستاندن.
