ل ئازەربایجانێ 14 ئەفسەر د کەتنا فرۆکەیا سه‌ربازی دا هاتن کوشتن

azerbaijan-2021

ل ئازەربایجانێ فرۆکەیه‌كا سه‌ربازی یا خزمەتێن سنۆری كه‌فت و د وێ بوویه‌رێ دا، 14 ئه‌فسه‌ر و پله‌دار هاتن کوشتن، 2 عه‌سكه‌ر ژی بریندار بوون.

ل گۆری داخویانییا کو ژ خزمەتێن سنۆری یا دەولەتا ئازەربایجانێ هاتییه‌ دان، بوویه‌ر ل گۆر ده‌ما هەرێمی ل ده‌مژمێر 10:40ێ سپێدێ دا ل هەرێما هزیێ یا ل مه‌یدانا مه‌شق و راهێنانا هێزێن ئاسمانی یا ب ناڤێ کاراهەیبەت چێبوویه‌.

هات گۆتن کو خزمەتێن سنۆری یێن دەولەتێ و رایەدارێن پایەبلندێن سەردۆزگەریێ چووینه‌ جهێ بوویەرێ و لێپرسین دان دەست پێ کرن.

د بوویه‌رێ دا 14 ئەفسەر و كارمه‌نده‌كێ تەکنیکێ هاتن کوشتن، 2 عه‌سكه‌ر ژی بریندار بوون.