په‌ده‌كه‌: دو کورسیێن مە هاتنە بەتالکرن و دێ مه‌ هەلوەست هەبیت

pdk-flag

د یەکەم کارڤەدانا خوە دا، پارتییا دەمۆکراتا کوردستانێ په‌ده‌كێ، نەرازیبوونا خوە دەربارێ گوهارتنا ئەنجامێن داویێ یێن پرۆسەیا هه‌لبژارتنێ و بەتالکرنا دو کورسیێن وێ نیشان دا.

بەردەڤکێ په‌ده‌كێ مه‌حموود محەمەد د داخویانیەکێ دا هەلوەستا په‌ده‌كێ دەربارێ راگه‌هاندنا ئیرۆ یا کۆمسیۆنا بلندا سەربخوە یا هه‌لبژارتنان دا نیشان دا.

بەردەڤکێ په‌ده‌كێ د داخویانییا خوە دا گۆت: «پشتی راگه‌هاندنا ئەنجامێن داویێ یێن هه‌لبژارتنێن ئەنجوومەنا نوونەران یا ئیراقێ ژ ئالیێ کۆمسیۆنا بلند یا سەربخوە یا هه‌لبژارتنان ڤە، دەرکەت کو دو کورسیێن کو دەستکەفتێن یاسایی یێن دو کاندیدێن مە ل پارێزگەهێن هەولێر و نەینەوایێ بوون، هاتنه‌ بەتالکرن».

بەردەڤکێ په‌ده‌كێ ئاشکەرە کر کو مه‌كته‌با سیاسی یا په‌ده‌كێ دێ ژ بۆ ڤێ مەبەستێ كۆمبیت و گۆت: «ژ بەر ڤێ یەکێ، پشتی ئەنجامدانا كۆمبونا مه‌كته‌با سیاسی یا پارتیا مە، ئەم دێ هەلوەستا پارتییا خوە دەربارێ ڤی کارێ نەرەوا دا رابگه‌هینن».

پوستێن ھەمان بەش