ئارتێشا تركیێ ئیرۆ ل هه‌ردو باژێرێن ئاگری و ئیدرێ ده‌ست ب ئۆپه‌راسیۆنێن نوو ل دژی چه‌كدارێن رێخستنا په‌كه‌كێ كر و ناڤێ «ئەرەن زڤستان-9» ل وان ئۆپه‌راسیۆنان كرنه.
ل گۆر داخویانیا کو ئیرۆ چارشەمبێ 1/12/2021ێ ژ ئالیێ وەزارەتا ناڤخوە یا ترکیێ ڤە هاتییە بەلاڤ کرن، ل پارێزگەهێن ئاگری و ئیدرێ یێن باکورێ کوردستانێ، ڤێ سپێدێ ئۆپەراسیۆنا ب ناڤێ «ئەرەن زڤستان-9» ب بەشداربوونا 910 لەشکەرێن سەر ب فەرماندارییا جەندرمە و گوندپارێزان دەستپێ کرییە.
ب هاتنا دەمسالا زڤستانێ ل ناڤ ترکیێ ئۆپەراسیۆنێن «ئەرەن زڤستان» ل دژی په‌كه‌كێ ل دەڤەرێن بەستا یا سنۆرێ شرنەخێ، ئامانۆس یا سنۆرێ هاتایێ، دیسان ل سنۆرێ ئامەد و چەولیگێ، ل جۆلەمێرگێ و سنۆرێ سێرتێ، هه‌روه‌ها ل سنۆرێ بەدلیسێ و مێردینێ هاتنه ئه‌نجام دان.
