گرووپێن چه‌ته‌یێن چەکدار ل عەفرینێ یا رۆژئاڤایێ کوردستانێ مال و خانیێن وەلاتیێن کوردێن کۆچبەربوویی دفرۆشن.
گرووپا ب ناڤێ «ئەلجەبهە ئەلشامی یە» دەست دانایه سەر مالا وەلاتییەکی ل تاخا ئەشرەفیێ ل ناڤ باژارێ عەفرینێ، پشتی کو خودانێ وێ مالێ ژ بەر گەفێن وان ل ده‌مه‌كێ پێشتر ره‌ڤی.
هەروه‌هـا چەکدارێن وێ گرووپێ، ل گوندێ بووزیکێ دەست دانایه سەر مالا وەلاتییەکی کو د بن ئه‌شکەنجەیا چەکداران دا ل زیندانا ئەلرائی، ژیانا خوە ژ دەست دابوو.
هەمان گرووپا ب ناڤێ «ئەلجەبهە ئەلشامی یە» ل 23 مه‌ها رابوورری، دو خانیێن وەلاتیێن کورد ل تاخا ئەشرەفیێ فرۆتبوون کۆچبەرێن هاوردەکری یێن غۆته‌یێ و مەحموودیێ ژی.
ئارتێشا ترکیێ و گرووپێن چەکدارێن توندرەو کو سەر ب ئۆپۆزسیۆنا سووریێ ڤەنە و ترکیە پشتەڤانیا وان دکەت، رۆژا 20ێ چلەیا 2018ێ ئێرشەکا بەرفرەها بەژایی و ئاسمانی بۆ سەر عەفرینێ دان دەستپێکرن کو د بن کۆنترۆلا هێزێن کوردی دا بوو.
ژ وێ ده‌مێ ڤه ب هه‌زارا بنپێكاری ژ هێلا چه‌ته‌یێن تركیێ ڤه د راستا شێنیێن عه‌فرینێ دا هاتنه ئه‌نجام دان، وه‌كه كوشتن، ئه‌شكه‌نجه و برنا ب زۆر یا مولك و مالێ وان.
