پشتی داکەتنا پلەیێن گەرمێ و هاتنا دەمسالا زڤستانێ، ل هه‌ژماره‌كا پارێزگەهێن باکورێ کوردستانێ و ناڤچەیێن وێ به‌فری بارییه.
ل ناڤچەیا پلەمووریێ سەر ب پارێزگەها دێرسمێ ڤه، پشتی بارینا به‌فره‌كا زێدە، خوەزا ب رەنگێ سپی خەملی، ل ناڤچەیێن دەردۆر 15 سانتیمەترە به‌فر باری یه، به‌فرێ و مژێ كارتێكرن ل هاتنوچوونێ کرییه، تیمێن سەر ب رێڤەبەرییا رێیێن بەژایی د پاقژکرنا رێ دا راستی زەحمەتییان هاتن.
ل پارێزگەها ئاگریێ ژی ب هەمان ئاوایی به‌فرێ كارتێكرن ل هاتنوچوونێ کرییە، د دەمژمێرێن شەڤێ دا به‌فرەکا زێدە باری و بەشەکێ بارهلگر و ئۆتۆمۆبیلێن وەلاتییان د رێ دا مان.
