حیزبێن باکور ژکار دەرکرنا مامۆستایێن کورد ب توندی شەرمەزار دکەن

حیزبێن باکور ژکار دەرکرنا مامۆستایێن کورد ب توندی شەرمەزار دکەن

“ل دیاربەکرێ 21 مامۆستەیێن کورد ژ ئالیێ وەزارەتا پەروەردەھییێ یا ترکیایێ ڤە ژ کار ھاتن دەرکرن. ژ بۆ ڤێ هیچ ھیجەتەک ژی نەھات دیار کرن.

ئەم ڤێ ھەلوەستا نەحەق و نەیاسایی ب تووندی شەرمەزار دکەین. ھەلبەت ژ کار دەرکرنا 21 مامۆستایێن کورد زلم و نەحەقییا یەکەم نینە.

د ڤان چار سالێن داوی دا ب ھەزاران مامۆستا و کارمەند ژ کار ھاتنە دەرکرن و پرانییا وان د رەوشەکا گەلەک خەدار دا ژییانا خوە ددۆمینن.

ئەڤە دەمەک درێژە کو ژ کار دەرکرن وەک سیاسەتا دەولەتێ دهێتە بکارئانین.

ئارمانج د ناڤ وەلاتپەروەران دا خورتکرنا ترسێ و بەلاڤ کرنا بێکارییێ یە، سزادانا گەلێ کوردە. دڤێت داگیرکەر بزانن کو ملەتێ مە ب ڤان گەفان دەسەت ژ دۆزا خوەیا رەوا بەرنادەت.

ئەم جارەکا دی ھەلوەست و ئێریشا دژی مامۆستایێن کورد روورەش دکەین و پشتگرییا خوە بۆ وان ئاشکەرا دکەین.

دڤێت دەمەک زووتر مامۆستایێن ژ کار هاتینە دەرکرن ڤەگەرنە سەر کارێ خوە.”

2/12/2021

تەڤگەرا دەمۆکراتیکا کوردستان (تەدەکە-تەڤگەر) پارتیا ئازادیا کوردستانێ (پاک) پارتیا دەمۆکراتا کوردستان (پەدەکە-باکور) پێلکورد، پارتیا سۆسیالیستا کوردستان (پەسەکە)