قوربانیێن «براتییا گه‌لان» زێده دبن
رێخستنا په‌كه‌كێ ئیرۆ ناسنامه‌یا سێ گه‌ریلایێن دن ئه‌شكه‌ره كر كو ل ڤێ داویێ ل چیایێ مه‌تینا یێ باشوورێ كوردستانێ ب ده‌ستێ عه‌سكه‌رێ ترك دانه كوشتن.
رێخستنا په‌كه‌كێ ئیرۆ رۆژا شه‌مبی 4/12/2021ێ، ناسنامه‌یا 3 جوانێن كورد ئه‌شكه‌ره كر كو ل چیایێ مه‌تینا یێ باشوورێ كوردستانێ كه‌تنه به‌ر ئێریشا بالافرێن ده‌وله‌تا ترك و ژیانا خوه ژ ده‌ست دانه.
ناڤێن هه‌رسێ گه‌ریلایان وه‌هایه:
عه‌بدولره‌حیم هاشم ژ حه‌سه‌كێ.
ئه‌حمه‌د ئاكیۆل ژ مێردینێ.
ئه‌رجان یلدز ژ شرنه‌خێ.
ل گۆری په‌كه‌كێ، ئه‌ڤ هه‌ر سێ گه‌ریلا ل رۆژ 27 ئیلۆنا ئیسال 2021ێ ژیانا خوه ژ ده‌ست دانه لێ به‌لێ رێخستن ژ نوو ڤه ئیرۆ هاتییه و ژ ده‌ست دانا وان راگهاندییه.
رێخستنا په‌كه‌كێ كو ده‌ڤ ژ دۆزا كورد و كوردستانێ به‌ردایه و نها ژ بۆی براتییا ب داگیركه‌ران ره ته‌ڤ دگه‌ره، رۆژانه جوانێن كورد و كه‌چێن كورد ل چیایێ كوردستانێ ب ده‌ستێ عه‌سكه‌رێ داگیركه‌ر دده كوشتن، عه‌سكه‌رێ كو دخوازه براتیێ دگه‌ل پێك بینه.
