هێزێن پێشمه‌رگه‌هێن كوردستانێ و ئارتێشا ئیراقێ دێ ئۆپه‌راسیۆنێن هه‌ڤبه‌ش ل دژی رێخستنا ته‌رۆرییا داعشێ ئه‌نجام ده‌ن.
ئیرۆ رۆژا شه‌مبی 4/12/2021ێ جڤینه‌كه له‌شكه‌ری یا به‌رفه‌ره‌هی ل ئاستا ژوور ل نێڤبه‌را فه‌رماندارێن ئۆپه‌راسیۆنێن هه‌ڤبش یا ئیراقێ و وه‌زاره‌تا پێشمه‌رگه یا حكوومه‌تا هه‌رێما كوردستانێ هات ل دارخستن.
د ڤێ جڤینێ ده، كو ئه‌میندارێ وه‌زاره‌تا پێشمه‌رگه جه‌بار یاوه‌ر و هه‌روه‌ها فه‌رماندارێن ئه‌نیێن یێك، دوو و سێ و چار یێن هێزێن پێشمه‌رگه تێده به‌شدار بوون، هه‌ولێن روو ب روو بوونا داعشێ و ئه‌نجام دانا ئۆپه‌راسیۆنێن هه‌ڤبه‌ش ب ئارتێشا ئیراقێ ره هات نیقاش كرن.
د ڤێ جڤینێ ده فه‌رماندارێن هه‌ڤپه‌یمانییا ناڤده‌وله‌تی یا دژی داعشێ ژی تێده ئاماده‌بوو، هێزێن پێشمه‌رگه و ئارتێشا ئیراقێ بریار دان هه‌ماهه‌نگییێ ژ بۆی روو ب روو بوونا داعشێ ل ناڤچه‌یێن كوردستانی بكن.
ئه‌ڤ جڤینا هێزا پێشمه‌رگه‌هان و ئارتێشا ئیراقێ پاش دو رۆژان ژ ئێریشا داعشێ یا ل سه‌ر گوندێ خدرجیجه یا گرێدا مه‌خموورێ تێ كو تێده 10 پێشمه‌رگه و 3 هه‌مولاتیێن سڤیل شه‌هید كه‌تنه.
