ئارتێشا ترکیێ دەردۆرا عەین عیسا تۆپباران کر

ain isa-turkey-kurdistan

ئارتێشا ترکیێ باژارۆکێ عه‌ین عیسا و رێیا M-4 و ناڤچەیا شەهبایێ ل رۆژئاڤایێ کوردستانێ تۆپباران کرن.

زانیاریێن خوەجهی ژ عه‌ین عیسا ل باکورێ رەقایێ، دیار دکه‌ن کو ئارتێشا ترکیێ و گرووپێن چەکدار باژارۆکێ عه‌ین عیسا و گوندێ سەیدا و کامپا عه‌ین عیسا و رێیا ناڤدەولەتی یا M-4 تۆپباران و گولەباران کرن.

ل هەمبەر وێ تۆپبارانێ ژی، هێزێن سووریەیا دەمۆکراتیک و ئەنجوومەنا لەشکەری یا گرێ سپی، بەرسڤ دانە.

د چارچۆڤەیا وێ ئێریشێ دا ژی، ئۆتۆمۆبیلەک ل ناڤەندا باژارۆکێ عه‌ین عیسا ژ ئالیێ ئارتێشا ترکیێ و گرووپێن چەکدار ڤە هاتە ئارمانجکرن، هەڤدەم نەخوەشخانەیا عومەر عەلووش هاتە ئارمانج کرن.

هەروها گوندێ گۆزەلیێ و تل لەبەن ل باشوورێ رۆژئاڤایێ باژارۆکێ تل تەمر، ب هاونان هاتن تۆپباران کرن.

ل گۆری زانیاریێن خوەجهی ژ ناڤچەیا شەهبایێ ژی، ل باکورێ سووریێ، ئارتێشا ترکیێ و گرووپێن چەکدارێن ئالیگرێن وێ، هەردو گوندێن عه‌ین دەقنە و بێلوونیێ ل وێ ناڤچەیێ  تۆپباران کرن.