ژ بەر ئێریشا داعشێ گوندەکێ کوردستانێ ب تەمامی ھات چۆلکرن

ژ بەر ئێریشا داعشێ گوندەکێ کوردستانێ ب تەمامی ھات چۆلکرن

ئیرۆ رۆژا یەکشەمێ، 5/12/2021ێ ھەموو خەلکێ گوندێ لھێبانێ یێ سەر ب ناحیا سەرگەرانێ یا ناڤچەیا دوبز یا کەرکووکێ ژ گوندێن خوە دەرکەتن و گوند ڤالاکرن.

موختارێ گوندێ لھێبانێ کاکەشین ژ بۆ کەنالێ کوردستان24ێ ئاشکارا کریە وان ب تەمامی گوندێ خوە ڤالا کریە و دایە زانین کو ل گوندی ب تەنێ 10 مال لێ بوون و وان مالان ژی بریار دایە ئیرۆ ژ گوندی دەربکەڤن.

ژ بەر ئێریشێن رێخستنا تەرۆریستی یا داعشێ بۆ سەر گوندێ لھێبانێ خەلکێ گوندی ژ گوندێ خوە دەردکەڤن. تەرۆریستێن داعشێ ژ ڤالاھیا ئەولەھیێ یا د ناڤبەرا پێشمەرگە و ئارتێشا ئیراقێ دا ئیستیفادە دکەن و رۆژانە ئێریشی خەلکێ مەدەنی دکەن. د ھاڤینا سالا بۆری دا ل گوندێ لھێبانێ 65 مال ھەبوون و د ھەیاما 3 قۆناغان دا گوندی ژ مالێن خوە دەردکەڤن و گوندێن خوە ب جی دھێلن.

ھێزێن ئەولەهیێ یێن ئیراقێ ژ 16ێ جۆتمەھا 2017ێ ھەتا نھا نکارینە ڤالاھیا ئەولەھیێ تژی بکەن و رێ ژی نادەن ھێزا پێشمەرگە ڤەگەریت و خەلکێ و ھەرێمێ بپارێزیت.