“چەکدارێن پەکەکێ ناھێلن پێشمەرگە ل سەر چیایێ قەرەچۆخ یێ مەخموورێ بجیھ ببن”

"چەکدارێن پەکەکێ ناھێلن پێشمەرگە ل سەر چیایێ قەرەچۆخ یێ مەخموورێ بجیھ ببن"

بەرپرسەکێ پەدەکێ دبێژیت، چەکدارێن پەکەکێ ل سەر چیایێ قەرەچۆخ یێ مەخموورێ بجیھ بوونە و ناھێلن پێشمەرگە ل ور بجیھ ببن و شەرێ داعشێ بکەن.

بەرپرسێ پەدەکێ ل مەخموورێ، عەبدولاھ تاھیر ژ بۆ باس نیوسێ گۆت، چەکدارێن پەکەکێ ل سەر چیایێ قەرەچۆخ بجیھ بوونە و سەنگەر دانینە، تەرۆریستێن داعشێ ل بەر چاڤێن وان دەرباس دبن و ئەو ژی تشتەکی نابێژن وان!

عەبدوللاھ تاھیر ھەر وھا گۆت، چەکدارێن پەکەکێ رێ نادەن پێشمەرگە بۆ پاراستنا خەلکێ دەڤەرێ ل وان دەڤەران بجیھ ببن. لێ بریار ھاتیە دایین ناڤەندێن ئۆپەراسیۆنان بێنە ئاکتیفکرن و ئۆپەراسیۆنێن ھەڤبەش ل دژی داعشێ بێن کرن.