سەرۆک مەسعوود بارزانی ئیرۆ 6/12/2021ێ پێشوازی ل دەستەیا ھلبژارتی یا کۆنفەدەراسیۆنا رەڤەندا کوردی و فەدەرەسیۆنێن د وێ کۆنفەدەراسیۆنێ دا ئەندامن کر.
د ھەڤدیتنێ دا، سەرۆک بارزانی پیرۆزباھیا برێڤەچوون و سەرکەفتنا کۆنگرەیا کۆنفەدەرەسیۆنا رەڤەندا کوردی ل ھەولێرێ کر و ھەروھا پیرۆزباھی ل ھلبژارتنا دەستەیا کۆنفەدەرەسیۆنا رەڤەندا کوردی کر و ھێڤیا سەرکەفتنێ د رێکخستن و ھەڤاھەنگیا زێدەتر د ناڤا رەڤەندا کوردی دا ژ بۆ وان خواست.
ھەروھا سەرۆک بارزانی د گۆتنەکێ دا دەستنیشان کر، دۆزا نەتەوا کورد د پێشیا بەرژەوندیێن پارتی و کەسان دایە و پارتی تەنێ ئامرازەکە ژ بۆ خزمەتکرنا ئارمانجەکا مەزنتر.
د درێژیا گۆتنا خوە دا، سەرۆک بارزانی تەکەزی ل پەیاما ئاشتیخوازا گەلێ کورد کر و داخواز کر کو کۆنفەدەرەسیۆنا رەڤەندا کوردی ببیتە ھۆکارەکێ ب باندۆر ژ بۆ ناساندنا جینۆساید و زولمێن د دەرحەقێ گەلێ کورد دا ھاتینە کرن.
سەرۆک بارزانی رۆناھی خستە سەر دیرۆکا تەڤەگەرا رزگاریخوازا کوردستانێ و ڤینا گەلێ کورد ژ بۆ مان و بەرەڤانیکرنا ل ناسنامە و خەباتا ل دژی زۆرداریێ.
ھەروھا سەرۆک بارزانی سپاسیا رەڤەندا کوردی کر کو ژ دووری وەلات ھەر دەم و د قۆناغێن جودا دا پشتەڤانیا داخوازێن رەوایێن گەلێ خوە کرنە.
