هێزێن ئاساییشا پەیەدێ ل قامشلۆیێ چوون سەر ئۆفیسا سەرەکی یا تۆرا مەدیایی یا رووداوێ و داخست.
هات راگهاندن هێزێن ئاساییشا پەیەدێ ل قامشلۆیێ ئیرۆ 7/12/2021ێ، ئێریشی سەر ئۆفیسا تۆرا مەدیایی یا رووداوێ ل قامشلۆیێ کریە، ئاساییشا پەیەدێ برێڤەبەرێ ئۆفیسا رووداوێ و 5 کارمەندێن وێ کو د ئۆفیسی دا کار دکەن دەستەسەرکرن.
هێژایی گۆتنێیە رۆژا 8ی گۆلانا 2021ان کۆمەکا سەر ب رێخستنا جوانێن شۆرەشگەر ژی ئێریشی سەر ئۆفیسا رووداوێ ل قامشلۆیێ کربوو و ل دەما ئێریشێ سلۆگانێن پشتەڤانیکرنا پەکەکێ دقیراندن.
ل گۆر ئاگاهیێن پێگەها دارکا مازی، بریارا ئێریشا سەر ئۆفیسا رووداوێ یا 8ی گۆلانێ و ئێریشا ئیرۆ ژی ژ قەندیلێ هاتیە دایین. لێ بەلێ بەدیع حەسۆ، رێڤەبەرێ ئۆفیسا راگهاندنا ئاساییشێ ل هەرێما جزیرێ راگهاند: “هندەک زانیاری ژ بۆی مە هاتبوون کو هندەک کەسان د ئۆفیسا رووداوێ دا مادەیێن هشبەر بکارئانینە. هەڤالان ژی ئەڤ کەسە دەستەسەرکرن، شاشتیەک چێبوویە، خوەیا بوو خەباتکارێن رووداوێ پەیوەندی ب ڤان کەسان نینە، ژبەر ڤێ یەکێ مە رێنمایی دان کو ئەڤ 6 خەباتکارێن رووداوێ بهێنە ئازادکرن.”
