ل قامشلۆ ل دژی پەکەکێ خۆپێشاندان هاتە کرن

ل قامشلۆ ل دژی پەکەکێ خۆپێشاندانەک هاتە ئەنجامدان

مالباتێن زارۆكێن كورد یێن رۆژئاڤا کوردستانێ كو ژ لایێ په‌كه‌كێ ڤە ھاتنە رەڤاندن، تەڤی ھەموو ئاستەنگیان بۆ جارا دویەمین ل بەر دەرێ ئاڤاھیێ نەتەوەیێن یەکبوویی چالاکی ئەنجام دا.

ئیرۆ رۆژا سێشەمبی 7/12/2021ێ، مالباتێن زارۆكێن كو ژ لایێ چەتەیێن رێخستنا «جوانێن شۆره‌شگه‌ر» یا گرێدای په‌كه‌كێ ڤه‌ هاتنه‌ ره‌ڤاندن، ل بەر دەرگەهێ باره‌گه‌هێ نه‌ته‌وه‌یێن یه‌كبوویی ل قامشلۆ جڤییان و ب توندی ل همبەر ڤان کارێن چەتەیێن “جوانێن شۆرەشگەر” کارڤەدان نیشاندان.

مالباتێن زارۆکێن رەڤاندی ئیرۆ ل باژارێ قامشلۆ ل بەر دەرێ ئاڤاھیێ نەتەوەیێن یەکبوویی کۆم بوون و پەیەدە و ھەسەدە پرۆتەستۆ کرن.

تەڤی کو ئاساییشا پەیەدێ ھەموو رێیێن کو دچنە ئاڤاھیێ نەتەوێن یەکگرتی ل باژارێ قامشلۆ گرتنە، لێ ھندەک مالباتان کارین خوە بگھینن ئاڤاھیێ نەتەوەیێن یەکبوویی.

چەتەیێن «جوانێن شۆره‌شگه‌ر»، ته‌نێ د مه‌ها 11 یا ئیسال دا، پێتری 10 زارۆك ژ كه‌چ و كۆڕێن قامشلۆ، عه‌فرینێ، عاموودێ و دێركێ ره‌ڤاندنه‌ و چاره‌نڤیسا وان هەیا نها نه‌دیاره‌.

پوستێن ھەمان بەش