پەکەکە گەفا کوشتنێ ل چالاکڤانێن رۆژئاڤایێ کوردستانێ دکەت

پەکەکە گەفا کوشتنێ ل چالاکڤانێن رۆژئاڤایێ کوردستانێ دکەت

چەکدارێن رێخستنا جوانێن شۆرەشگەر یێن سەر ب پەکەکێ، گەف ل چالاکڤانێن رۆژئاڤایێ کوردستانێ کرن.

ل گۆر زانیاریێن بەردەست، چەکدارێن جوانێن شۆرەشگەر گەلەک پەیامێن نڤیسکی ب زمانێن کوردی و عەرەبی ل باژارۆکێ دربەسپیێ یێ رۆژئاڤایێ کوردستانێ بەلاڤ کرنە.

د وان پەیامان دا جوانێن شۆرەشگەر چالاکڤان و ئەندامێن ئالیێن سیاسی یێن دەرڤەیی پەکەکێ وەک خایین پێناسە کرنە و رادگەھینن: “دەم دەما ژ ئیخانەتێ حەساپ پرسینێ یە.”

چالاکڤانێن رۆژئاڤایێ کوردستانێ دبێژن، پێناسەیا “خایین” ژ ئالیێ پەکەکێ و پەیەدێ یا کو باسکێ وێ یێ سیاسییە ل رۆژئاڤایێ کوردستانێ، ل دژی چالاکڤان و ئەندامێن پارتیێن دی یێن ناڤ ئەنجوومانا نشتمانی یا کورد ل سووریێ (ئەنەکەسێ) دهێتە بکارئانین.

بەری نھا ژی رۆژا 3/12/2021ێ چەکدارێن سەر ب پەکەکێ ئێریش کرە سەر بنکەیەکێ پەدەکە-سێ یا ل حەسەکێ.

ئەنەکەسێ د بەیاننامەیا خوە دا راگەھاند: چەکدارێن سەر ب پەکەکێ بەردەوامن ل رەڤاندن و ئیشکەنجە کرنا ئەندامێن پارتیێن ناڤ ئەنەکەسێ و کەسووکارێن پێشمەرگەیێن رۆژ و دەرخستنا وان ژ رۆژئاڤایێ کوردستانێ.