کەسێ کو ئیرۆ ل خانەسۆرێ بوویە ئارمانجا بالەفرێن ترکیێ کی بوو؟

ئیرۆ بالەفرەکا بێ پیلۆتا ترکیێ ترۆمبێلەکا چەکدارێن پەکەکێ یا ل سینۆرێ باژارێ شنگالێ بۆمبەباران کر.

ل گۆر زانیاریێن ھاتنە بدەست خستن ئیرۆ 7/12/2021ێ، دانێ ئێڤاری، درۆنەکا ب چەکا ترکیێ ترۆمبێلەکا چەکدارێن پەکەکێ یا ل ناڤچەیا خانەسۆرا شنگالێ بۆمبەباران کریە.

ل گۆر زانیاریێن پێگەها دارکا مازی کو ژ چاڤکانیێن خوە یێن ل شەنگالێ ب دەست خستنە، د ترۆمبێلا ئیرۆ هاتیە ئارمانجکرن دا، رێڤەبەرەکێ پەکەکێ یێ ب ناڤێ «مەروان بەدەل خوەدێدا» کو ب کۆدناڤێ «دژوار» دهێتە ناسین هەبوویە، و د ئەنجاما ڤێ ئێریشێ دا جانێ خوە ژ دەست دایە.

مەروان بەدەل خوەدێدا کوردەکێ ئێزدی یێ خەلکێ شەنگالێ بوو، ئەو بەرپرسێ دەستەیا جێبەجێکارا «رێڤەبەریا خوەسەر» یا شەنگالێ بوو.