ل پردێ سەنگەرێن پێشمەرگە راستی ئێریشەکا مووشەکان ھات

ل پردێ سەنگەرێن پێشمەرگە راستی ئێریشەکا مووشەکان ھات

ژێدەرەکێ ئەولەھیێ ژ ھێزێن پێشمەرگە راگھاند، سەنگەرێن ھێزا پێشمەرگە ل میحوەرێ پردێ ئیرۆ دانێ ئێڤاری راستی ئێریشەکا ژ جورێ مووشەکێن کاتیوشا ھات.

چاڤکانیێن پێگەها دارکا مازی ل باشوورێ کوردستانێ ئاشکەرا کر، ئیرۆ دەمژمێر 19:20 ھەژمارەک مووشەک ئاراستەیی سەنگەرێن پێشمەرگە ل میحوەرێ پردێ ھاتن کرن.

چاڤکانیێن مە هەر وەها راگهاند، 6 مووشەکێن کاتیوشا ل میحوەرێ پردێ کەتن خوارێ، لێ نەگھیشتن ئارمانجێن خوە و چ زیان ژی نەگەھشت ھێزێن پێشمەرگە.

ل گۆر زانیاریان، مووشەکەک ل نێزیکی گوندێ گرگتە کەتە خوارێ، یەکا دی ل رۆژئاڤایێ گوندێ شێرەوا کەتیە خوارێ.

د ناڤا چەند رۆژێن بووری دا ھێزێن پێشمەرگە ل ھەمان دەڤەرێ و دەڤەرێن دی ژی راستی زنجیرەیەک ژ ئێریشێن داعشێ ھاتن و د ئەنجام دا ھەژمارەک ژ پێشمەرگەیان شەھید و بریندار بووبوون.