په‌رله‌مانێ ئه‌لمانیایێ ئیرۆ رۆژا چارشەمبێ ئۆلاف شۆلز هلبژارت کو ببیته سەرۆکوەزیرێ 9مین یێ ئه‌لمانیایێ، پشتی سەردەما 16 سالی یا ئه‌نگێلا مێركلێ.
حکوومەتا شۆلز ب هێڤیێن مەزن ژ نووژەنکرنا وەلاتێ ب هەری قەلەبالغێ یەکیتییا ئەورۆپی و شەرێ ل دژی گوهەرینا سه‌قای دا دەستهلاتداریێ دگرە، زێده‌باری قۆناغا هەری دژوار یا كریزا ڤیرۆسا كۆرۆنایێ کو ئه‌لمانیا هەیا نها پێره روو ب روو مایە.
شۆلز ئیرۆ رۆژا چارشەمبێ پشتگرییا 395 په‌رله‌مانتاران ب دەست ئێخست.
هه‌ڤپه‌یمانییا شۆلز كو ژ 3 پارتییان پێك تێ و 416 کورسی ژ سه‌رجه‌ما 736 كورسییان د مەجلسا نوونەران دا هەیە.
شۆلز دێ ژ ئالیێ سەرۆکۆمارێ ئه‌لمانیایێ ڤە ب ئاوایەکی فەرمی هێته راسپاردن و پشتی دەمەکی دێ ل همبه‌ری سەرۆکێ په‌رله‌مانی سووندێ خۆت.
