ھێزا ئەسمانی یا ھندستانێ (IAF) ئیرۆ چارشەمبێ دییار کر کو سەرفەرماندارێ ھێزێن چێکدار یێ ھندستانێ جەنەرال بیپن راوات، ھەڤژینا وی و 11 کەسێن دی ل باشوورێ ھندستانێ پشتی کەتنا ھەلیکۆپتەرا لەشکەری یا کو ئەو تێ دا بوون، مرنە.
ئافعێ ھێزا ئەسمانی یا ھندستانێ راگھاند کو ھەلیکۆپتەر ل نێزی جۆنۆر یا ئەیالەتا تامل نادو دەما کو ژ سولور دچوو باژارێ وەلنگتۆن، کەتیە خوارێ.
ھەڤدەم، ھێزا ئەسمانی یا ھندستانێ دا زانین کو بەرپرسێ تیما ھەلیکۆپتەرێ ڤارون سینگ ساخ خلاس بوویە و ئەو ل نەخوەشخانەیا لەشکەرییا ل وەلنگتۆن دهێتە دەرمان کرن.
سەدەما کەتنا ھەلیکۆپتەرێ و ھورگلییێن رەوشا کەسێن دی هێژان ناهێتە زانین. لێ، IAF دەست نیشان کر کو ژبۆ کو سەدەما بوویەرێ بهێتە دیارکرن، لێپرسین ھاتیە دەستپێ کرن.”
بیپن راوات یێ 63 سالی، د داوییا 2019ێ دا ژ لایێ حکوومەتا سەرۆکوەزیر نارەندرا مۆد ڤە وەک سەرفەرماندارێ بەرەڤانییێ یێ ھندستانێ ھاتبوو ئەرکدار کرن.
