ل باکورێ کوردستانێ ژ بەر بارینا بەرفا زێدە و خرابوونا رەوشا ھەوایێ ل 4 باژاران رێیێن 182 گوند و کۆمەلگەهان ھاتن گرتن.
ھات زانین ل ناڤچەیێن ئەلباک، پاییزاوا، مکس و وەستانێ یێن وانێ رێیێن 83 گوند و کۆمەلگەهان ژ بەر بەرفێ ھاتنە گرتن. ل گەڤەرێ 30 و ل قەرس و ئەرزنگانێ ژی رێیێن 69 گوند و کۆمەلگەهان ھاتنە گرتن.
شارەداریا باژێرێ مەزن یێ وانێ راگھاندیە کو ب ئارمانجا ڤەکرنا رێیێن ھاتنە گرتن دەست ب کار و خەباتێن خوە کرینە و ل سەر کۆلانێن باژێر بەرفێ دهەلینن و خوێ درەشینن.
ل باژارۆکێ گەڤەرێ یێ جۆلەمێرگێ ژی شەڤا دی بەرفێ دەست پێ کریە و ھەتا ئیرۆ دانێ سپێدێ بەردەوام کریە کو ل ناڤەندا باژارۆکی 5 سەنتیمەتر و ل جھێن بلند ژی 10 سەنتیمەتر بەرف باریایە و ژ بەر بەرفێ رێیا 10 گوند و 20 ئاڤەدانیێن گەڤەرێ ھاتنە گرتن.
