ئامەریکا دێ سزایێن سەر ئیرانێ بەرفرەھتر کەت

ئامەریکا دێ سزایێن سەر ئیرانێ بەرفرەھتر کەت

 ھات راگھاندن کو رێڤەبرییا سەرۆکێ ئامەریکا جۆ بایدن دێ دەست ب بەرفرەھکرنا دۆرپێچێن دژی ئیرانێ کەت.

ل گۆری رۆژنامەیا وول ستریت جۆرنال کو ئاگاھیێن خوە ژ زاردەڤێ رایەدارێن پلەبلندێن ئامەریکی بەلاڤکرنە، دێ رێڤەبەریا واشنگتۆنێ د ھەفتەیا بهێت دا شاندەکا پایەبلند بشینیت ئیماراتا عەرەبی و ھشیاریێ دەن داکو بازرگانیا لگەل ئیرانێ راوەستینن.

ڤێ رۆژنامەیێ دیار کریە دێ شاندا ئامەریکی بەنک و کۆمپانییێن ئیماراتێ ل سەر دۆرپێچێن بازرگانی ھشیار کەت و بێژیتە وان گەر ئەو بازرگانییا لگەل ئیرانێ بەردەوام بکەن ئەو دێ ب ریسکێن مەزن رووبروو بن.

ئامەریکا ھەری داوی رۆژا سێشەمێ ژ بەر بنپێکرنا مافێن مرۆڤان دژی ئیرانێ سزایێن نوو راگھاندبوون.

رێڤەبەریا تەھرانێ ل سەر سزایان بال کشاندبوو سەر دانووستاندنێن پەیمانا ئەتۆمی یا ل ڤییەنا و واشنگتۆن ژ بەر راگھاندنا سزایان رەخنە کربوو.