ل ناڤچەیا بانی ماقان یا سەر ب چەمچەمالێ ڤە، ژ بۆ ئۆپەراسیۆنێن ھەڤبەشێن د ناڤا چەند رۆژێن داوی دا، ئیرۆ 9/12/2021ێ جڤینەکا لەشکەری د ناڤبەرا بەرپرسێن پێشمەرگە و ئارتێشا ئیراقێ دا ھاتە ئەنجامدان.
جڤین ب ئامادەبوونا جیگرێ فەرمندارێ گشتیی ێ ھێزێن چەکدار جەعفەر شێخ مستەفا، فەرماندارێ یەکینەی (70) مستەفا چاڤرەش، ئەمیندارێ گشتی یێ وەزارەتا پێشمەرگە جەبار یاوەر، بەرپرسێن میحوەرێن (1، 2، 3، 4)ێن پێشمەرگە، لگەل فەرماندارێ ئۆپەراسیۆنێن کەرکووکێ فەریق روکن عەلی فریجی و فەرماندارێن بلندێن ئارتێشا ئیراقێ ل خرماتوو – کەرکووک برێڤە چوو.
د جڤینێ دا، پلان و پێنگاڤێن ئۆپەراسیۆنێن چەند رۆژێن بۆری ھاتن گوفتووگۆکرن و ب گرنگی تەکەزی ل سەر بەردەوامیا وێ پرۆسەیێ و ئەنجامدانا ئۆپەراسیۆنێن بەرفرەھتر ھاتە کرن، ئەو ژی ب ئارمانجا ژناڤبرنا تەرۆریستێن داعشێ و پاقژکرنا ھەرێمێ ب تەمامی یە.
د داویا جڤینێ دا، ھەر دو ئالیان نرخاندنەکا بابەتیانە ژ بۆ دەستکەفتێن ئۆپەراسیۆنان کر و خالێن ئەرێنی و داگرتنا کێماسیان ھاتن گوفتووگۆکرن، ژ بۆ سەرکەفتنا تەمامی ب سەر داعشێ دا و پاراستنا ئەولەھی و ئارامیا ناڤچەیێ و خەلکێ وێ.
