پشتی داگیرکرنێ رێژا کوردان ل عەفرینێ ژ 96% داکەتییە 15%

پشتی داگیرکرنێ رێژا کوردان ل عەفرینێ ژ 96% داکەتییە 15%

رێخستنا مافێن مرۆڤان یا عەفرینێ راگھاند کو رێژەیا گەلێ کورد ل باژارێ عەفرینێ یێ رۆژئاڤایێ کوردستانێ ژ 96% داکەتیە ژ 15%.

رێخستنا مافێن مرۆڤان یا عەفرینێ راگھاند کو ب داتایێن ھەری داوی کو دەست خوە ڤە ئانینە، ل باژارێ عەفرینێ یێ رۆژئاڤا کو د بن کۆنترۆلا کۆمێن ئارتێشا نشتمانی یا سووریایێ یێن کو ترکیا پشتگریا وان دکەت دا یە، رێژەیا گەلێ کورد ژ سەدی 96 داکەتیە ژ سەدی 15.

بەردەڤکێ رێخستنا مافێن مرۆڤان یا عەفرینێ دیار کر کو بەری نها 25 ھەزار کوردێن ئێزدی ل عەفرینێ ھەبوون، لێ ھەژمارا وان داکەتیە 2 ھەزاران.

تەنێ ئیسال 49 سڤیل ھاتن کوشتن

ل گۆری ئامارێن داوی یێن رێخستنێ، ژ سالا 2018ێ ڤە 686 سڤیل کو 96 ژ وان ژنن، ل عەفرینێ ژیانا خوە ژ دەست دانە.

رێخستنێ دیار کر کو پشتی کۆنترۆلکرنا عەفرینێ ژ ئالیێ کۆمێن ئارتێشا نەتەوەیی یا سووریایێ کو ترکیا پشتگریا وان دکەت، 71 ژن راستی دەستدرێژییا سێکسی ھاتنە و گۆت کو ژ خزمێن وان کەسێن ھاتینە رەڤاندن، فیدیە و پارە ھاتینە خواستن و دەما کو پارە نەھات دایین ھندەک ژ وان کەسێن ھاتینە رەڤاندن ھاتن کوشتن.

ئیبراھیم شێخۆ ھەر وەھا دیار کر کو تەنێ د سالا 2021ێ دا 13 ژن و 13 زارۆک ب گشتی 49 سڤیل ھاتنە کوشتن.

عەفرین ژ سالا 2018ێ و هێرڤە د بن کۆنترۆلا چەتەیێن ترکییایێ دایە.

پشتی زێدەتری دو مەھان ژ ئۆپەراسیۆنێ، ھەرێما عەفرینێ د 18ێ ئادارا 2018ێ دا کەتە بن کۆنترۆلا ترکیێ و رێخستنێن چەکدارێن کو ترکیا پشتگریا وان دکەت.

پشتی وێ ژ ھەرێمێ گەلەک جاران نووچەیێن بنپێکرنا مافێن مرۆڤان ھاتن. ب تایبەتی د ناڤ وان دا تالانکرن، رەڤاندن، دەست درێژییا سێکسی، گوھەرتنا نفووسێ د رێزا یەکەم دا جھ گرت.

ھەر وھا گەلەک جاران هات دوبارەکرن کو گەلەک مالباتێن عەرەب ل ھەرێما عەفرینێ ل جهێ کوردان ب جھ بوونە.

پوستێن ھەمان بەش