هنگاریا ده‌ست ب مه‌شقا پێشمه‌رگه‌ی دكه‌ت

Hingarya - peshmarga-المجر-قوات البشمركه‌

وەلاتێ هنگاریا ب رێیا شێورمەندێن خوە یێن لەشکەری، دەست ب راهێنانا پێشمەرگەی دکەت

شاندەکێ سەربازی و دیپلۆماسی یێ هنگاریایێ دگه‌ل وەزیرێ پێشمەرگە یێ هەرێما کوردستانێ كۆمبوو و تەکەزی ل سەر بەردەوامییا پشتەڤانی و پشتگرییا وان ژ بۆ وەزارەتا پێشمەرگە ژ بۆ تێکشکاندنا تەرۆرێ کر.

ل گۆر داخویانییا وەزارەتا پێشمەرگە، د كۆمبوونێ دا ب هووری پرسا گەف و مەترسیێن داعشێ و تەڤگەرا تەرۆریستان ل ناڤچەیێ هاتن گوفتووگۆ کرن.

دیار کر ژی، د كۆمبوونێ دا تەکەزی ل سەر هەماهەنگی و ئەرکێ هەڤبەش د رووبرووبوون و شکاندنا تەرۆریستان دا هاتە کرن، هەر دو ئالییان ژی، ب گرنگی بەحسا په‌یوەندیێن نها یێن د ناڤبەرا پێشمەرگەی و ئارتێشا ئیراقێ و هەڤپەیمانان دا کرن.

ل گۆر داخویانیێ، وەزیرێ پێشمەرگە رۆلا هنگارییا و هێزێن وێ بلند نرخاند کو د هەیاما شەرێ ل دژی داعشێ دا هاریكار بوو و گۆت: «ژ بۆ شکاندن و نەهشتنا گەفێن تەرۆرێ، پێویستییا مە ب هاریكارییا هەموویان هەیە».

دیار کر ژی، شاندا سەربازی و دیپلۆماسی یا هنگاریایێ، وەزارەتا پێشمەرگە دلنیا کر کو ئەو د پشتەڤانی و هەڤکارییا پێشمەرگەی دا بەردەوام دبن و ب رێیا شێورمەندێن خوە یێن سەربازی ژی دەست ب راهێنانا پێشمەرگەی دكه‌ن.