ناڤەندا راگههاندنێ یا هێزێن سووریایا دەمۆکراتیک (ههسهد) ئاشکەرە کر، هێزێن وان 100 تەرۆرستێن داعشێ یێن ئیراقی، رادەستی حکوومەتا فەدەرالی یا ئیراقێ کرن.
ناڤەندا راگههاندنێ یا ههسهدێ د داخویانیەکێ دا راگههاند، «ژ بۆ رادەستکرنا ئەندامێن داعشێ یێن ژ ئالیێ دادگەهێن ئیراقێ ڤە تێن خواستن و ل گۆری لهەڤهاتنەکا بەرێ د ناڤبەرا هێزێن مە و ئالیێ ئیراقێ دا هاتبوو ئامادەکرن، ئالیێن پهیوەندیدارێن هێزێن مە د دەما بووری دا 100 تەرۆریستێن داعشێ یێن ئیراقی کو ل زیندانێن باکور و رۆژههلاتێ سووریێ گرتی بوون، رادەستی حکوومەتا فەدەرالا ئیراقێ کرن».
دیار کر ژی، «کۆما تەرۆریستێن داعشێ یێن ئیراقی د بن ئەولەهییا هێزێن مە دا هەیا سنۆرێن فەرمی یێن سووریێ و ئیراقێ هاتن ڤەگوهاستن، ل وێرێ ژی رادەستی هێزەکا ئارتێشا ئیراقی بوون».
دەستنیشان کر ژی، «هێزێن مە د درێژاهییا سالێن دەرباسبوویی دا گەلەک کۆمێن تهرۆریستێن داعشێ یێن ئیراقی رادەستی حکوومەتا وان کرینە کو ب سەدان ژی ههتا نها د زیندانێن باکور و رۆژههلاتێ سووریێ دا ماینه».