ئه‌نجوومه‌نا ئاساییشێ بانده‌كێ بازرگانێن هیرۆینی ده‌سته‌سه‌ر كرن

ئه‌نجومه‌نی ئاسایشی هه‌رێمی كوردستان-كوردستان-kurd-kurdistan

ئه‌نجوومه‌نا ئاساییشێ یا هه‌رێما كوردستانێ ئیرۆ راگهاند، ده‌هان كیلۆگرام مادده‌یێن هشبه‌رێ كو بانده‌كێ ئه‌فریكایێ ئیناینه‌ هه‌رێما كوردستانێ، هاتن ده‌سته‌سه‌ر كرن و توهمه‌تبار ژی راده‌ستێ دادگه‌هێ هاتن كرن.

ئه‌نجوومه‌نا ئاساییشێ یا هه‌رێما باشوورێ كوردستانێ، ئیرۆ رۆژا شه‌مبی 11/12/2021ێ داخویانی ل ده‌ربارا ده‌سته‌سه‌ر كرنا ده‌هان كیلۆگرام مادده‌یێن هشبه‌رێ دا و ئه‌ڤ ژی ته‌كستا وێ یه‌:

هێزێن ئه‌نجوومه‌نا ئاساییشێ یا هه‌رێما كوردستانێ، پاش ب ده‌ستخستنا ئاگاهییان ژ چاڤكانیێن باوه‌رپێكری، كارین ده‌ست ب سه‌ر قه‌بارێ 70 كیلۆگرامێن مادده‌یێن هشبه‌رێ ژ جورێ هیرۆیین و تریاك دا بگرن كو بانده‌كێ ئه‌فریكایێ ئیناینه‌ هه‌رێما كوردستانێ و ب ئاوایێ مادده‌یێن خوارنێ یێن وه‌ك: «ته‌حین، ژاژی، كه‌شك، ره‌یحان و ئار»، لێ به‌لێ ب هه‌ول و كارین و پلانێن موكم یێن هێزێن ئه‌نجوومه‌نا ئاساییشا هه‌رێما كوردستانێ، ده‌ست ب سه‌ر دا هات گرتن.

ئه‌ڤ گرووپ ژ 4 وه‌لاتیێن ئه‌فریكایێ یێن ژ وه‌لاتێ غانا پێكهاتی بوو ئه‌ڤ مادده‌یێن هشبه‌رێ ئیناینه‌ هه‌رێما كوردستانێ، لێ به‌لێ ژ هێلا هێزێن ئه‌نجوومه‌نا ئاساییشا هه‌رێما كوردستانێ ل گۆری مادده‌یا 14 ژ یاسایا سزادانێ یا مادده‌یێن هشبه‌رێ، هاتن ده‌سته‌سه‌ر كرن و راده‌ستی دادگه‌هێ هاتن كرن.

ئه‌نجوومه‌نا ئاساییشا هه‌رێما كوردستانێ