بەهانەیا پەکەکێ ژ بۆی داخستنا سازی و دەزگەهێن حکوومەتا ئیراقێ یێن ل شەنگالێ چییە؟

بەهانەیا پەکەکێ ژ بۆی داخستنا سازی و دەزگەهێن حکوومەتا ئیراقێ یێن ل شەنگالێ چییە؟

ئیرۆ سەرێ سپیدێ، تەڤاھیا سازی و دەزگەھێن حکوومەتا ئیراقێ ل دەڤەرا شەنگال ژ ئالیێ پەکەکێ ڤە ھاتنە گرتن.

چاڤکانیێن پێگەها دارکا مازی ل شەنگالێ ئاشکەرا کر، ئیرۆ ب فەرمانا “رێڤەبەریا خوەسەرا شەنگالێ” کو ژ لایێ کادرێن پەکەکێ ڤە دهێت برێڤەبرن، ب نڤیسارەکێ تەڤاھیا سازی و دەزگەھێن حکوومەتا ئیراقێ ل دەڤەرا شەنگال هاتنە ئاگەهدارکرن کو دەریێن تەڤ سازی و دەزگەهان بگرن و بچن مالێن خوە.
پەکەکێ د نڤیسارا خوە دا کو ل سەر ناڤێ “رێڤەبەریا خوەسەرا شەنگالێ” ژ بۆی تەڤ سازی و دەزگەهێن حکوومی و سڤیل یێن ل شەنگالێ شاندیە، گەفان ل وان دکەت کو هەر کەسێ ڤێ فەرمانا وان جێبەجێ نەکەت دێ بەرپرسیار بیت ل همبەر هەر کارەکێ ل دژی وان بهێتە کرن.

ل گۆری بەلگەیێن ب دەست پێگەها مە کەتین، د ڤێ نڤیسارێ دا پەکەکە ووسا ددەتە خویاکرن کو ژ بەر ئێریشێن بالەفرێن ترکیێ یێن ل شەنگالێ تێنە کرن و تێ دا کادرێن وێ تێنە ئارمانج کرن ئەڤ بریارە هاتیە دان، لێ بەلێ، تەڤ کادرۆیێن پەکەکێ یێن کو ل شەنگالێ هاتینە ئارمانجکرن ژ دەرڤەی سازیێن حکوومی و سڤیل هاتینە ئارمانجکرن، ئەو د ناڤا ترۆمبێلێن خوە دا و ل سەر جادەیێن شەنگالێ هاتینە ئارمانجکرن.

ل سەر ڤێ مژارێ، چاڤدێرێن سیاسی دبێژن، ئارمانجا پەکەکێ ژ ڤێ بریارێ ئەڤەیە کو دەستهلاتا خوە یا ل شنگالێ بکەنە ئەمر واقع، گەر نە، پەکەکە ب خوە ژی دزانیت ئەڤ بریارە نە ب تەنێ نابیتە سەدەما راوەستاندنا ئێریشێن ل سەر کادرۆیێن وێ یێن ل شەنگالێ، بەلکو دێ بیتە سەدەما ئێریشێن پێتر یێن دەولەتا ترکیێ بۆ سەر کادرۆیێن وێ یێن ل شەنگالێ و خەلکێ سڤیل ژی.

بەهانەیا پەکەکێ ژ بۆی داخستنا سازی و دەزگەهێن حکوومەتا ئیراقێ یێن ل شەنگالێ چییە؟