چه‌كدارێن ب ناڤێ یه‌كینه‌یێن به‌رخوه‌دانا شه‌نگالێ یه‌به‌شه یا سه‌ر ب په‌كه‌كێ ڤه، ئیرۆ ل شه‌نگالێ ئێریشی كاروانێ ئه‌ره‌به‌یێن ئارتێشا ئیراقێ كر و گه‌ف ژی خوار كو ئه‌وێ خوه‌پێشاندانه‌كه مه‌زن ل دژی حكوومه‌تا ئیراقێ ئه‌نجام بدن.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، ئیرۆ رۆژا یه‌كشه‌می 12/12/2021ێ، چه‌كدارێن یه‌به‌شێ ل ناڤه‌ندا باژێرێ سنوونێ یێ گرێدای شه‌نگالێ ته‌قه ل ئه‌ره‌به‌یێن ئارتێشا ئیراقێ كر و هه‌روه‌ها هه‌مه‌ره‌كه وان شه‌وتاندن.
ده‌ست نیشان كر، چه‌كدارێن یه‌به‌شێ هه‌ر ئیرۆ ل سنوونێ گوللـه به‌ردان كاروانێ ئه‌ره‌به‌یێن لیوا محه‌مه‌مه‌د مال الله ئه‌ل زوهێری، فه‌رماندارێ فرقه‌یا 20 یا ئارتێشل ئیراقێ كر و هه‌یا دره‌نگییا ئێڤارێ ژی په‌ڤچوون ل نێڤبه‌را وان ده‌ركه‌ت.
رێخستنا په‌كه‌كێ ب رێیا باسكێ خوه یێ شه‌نگالێ یه‌به‌شێ گه‌ف ژی خوارنه كو ئه‌وێ خوه‌پێشاندانه‌كه مه‌زن ل دژی حكوومه‌تا ئیراقێ ئه‌نجام بده و هه‌یا نها ئالۆزی د شه‌نگال و سنوونێ ده ده‌وام دكه.
رێخستنا په‌كه‌كێ پاش هه‌ده‌ف كرنا هه‌ژماره‌كه فه‌رماندارێن وێ ل ناڤه‌ندا شه‌نگالێ كو داوی ئێك مه‌روان به‌ده‌ل بوو كو ل خانه‌سوورێ كه‌ت به‌ر ئێریشا باله‌فرێن تركیێ، ده‌ست ئاڤێتییه چێكرنا فه‌وزایێ و تێكدانێ ل شه‌نگالێ و ڤێ جارێ ژی دخوازه گه‌لێ ئێزدی د ڤێ پیلانا خوه ده وه‌كه ئامووره‌ك ب كار بینه.
په‌كه‌كه دخوازه ڤێ جارێ ل دژی حكوومه‌تا فه‌ده‌رال خوه‌پێشاندانه‌كه ب گه‌لێ ئێزدی بكه و ئارتێشا ئیراقێ ب ده‌ست و له‌پێن ڤان به‌له‌نگازان به‌رباران بكه.
رێخستنا په‌كه‌كێ ژ رۆژا كو كه‌تییه د شه‌نگالێ ده، گه‌لێ ئێزدی و ئێش و ئازارا ئێزدییان ژ بۆی به‌رژه‌وه‌ندییا رێخستنێ ب كار ئانییه و هه‌ر جارێ وان د پیلانێن خوه ده وه‌كه مه‌تریاله‌ك ب كار تینه.
